أكيد كلنا عارفين ان كل شيئ ف Flutter هو عباره عن widget و اي حاجه انت عايز تعملها ع الشاشه هتستخدم widget ليها
نتيجه لدا هتلاقي عندك مجموعه كبيره جدا من ال widgets داخله ف بعض عشان تقدر توصف ال design بشكل بسليم
للاسف العمليه دي بينتج عنها شويه مشاكل تعالي نبص عليها
⏩ 𝗖𝗼𝗱𝗲 𝗿𝗲𝘃𝗶𝗲𝘄𝗶𝗻𝗴
انك تراجع علي الكود الموضوع بيبقي صعب كدا لان المنظر بيبقي رهيب لما تلاقي مثلا الف سطر ومتشابك هتخاف اصلا تقراه 😂
والنقطه دي مهمه بسبب انك تعرف تراجع الكود الخاص بيك وتحسن منه او ان حد اعلي منك يراجع عليه ويديك شويه نصايح مهمه جدا فانت كدا صعبه الدنيا
⏩ 𝗦𝗶𝗺𝗽𝗹𝗲 𝗨𝗶 𝗖𝗵𝗮𝗻𝗴𝗲𝘀 𝗯𝗲𝗰𝗼𝗺𝗲 𝗺𝘂𝗰𝗵 𝗵𝗮𝗿𝗱𝗲𝗿
برضو نتيجه لدا هتلاقي ان التغييرات اللي انت عايز تعملها بقت اصعب بكتير
لانك ممكن مثلا تاخد 5 دقايق بدور علي المكان اللي هتغير فيه وطبعا مع ازدياد التغيرات الوقت المستهلك بيزيد فباتالي هيضرك
⏩ 𝗥𝗲𝘀𝘂𝗶𝗻𝗴 𝘄𝗶𝗱𝗴𝗲𝘁 𝘄𝗶𝗹𝗹 𝗯𝗲 𝗺𝘂𝗰𝗵 𝗵𝗮𝗿𝗱𝗲𝗿
دايما بقول ان من اهم النقط ف كتابه الكود هو انك تقدر تعيد استخدام مجموعه من الاكواد ف مكان تاني
وطبعا انت لو مش مقسم الكود بتاعك بشكل كويس هتلاقي في صعوبه ف انك تعيد استخدام مجموعه من الاكواد دي فمكان تاني لان كله داخل ف بعضه
⏩ 𝗜𝘁 𝗮𝗳𝗳𝗲𝗰𝘁𝘀 𝘁𝗵𝗲 𝗽𝗲𝗿𝗳𝗼𝗿𝗺𝗮𝗻𝗰𝗲
Flutter بتعتمد علي انها تعيد بناء widgets ع الشاشاه عندك ودا طبعا عن طريق انها تدور علي اقرب build method
فطبعا انت لو مقسمتش الكود بتاعك صح هتلاقي ان في widget بيتعاد بنائها بدون داعي ودا هياثر علي الاداء بتاعك
----------------------------------------
𝗙𝗹𝘂𝘁𝘁𝗲𝗿 𝗧𝗶𝗽 𝗼𝗳 𝗧𝗵𝗲 𝗱𝗮𝘆 🔥
عشان كدا مهم جدا انك قبل ماتبتدي تبني اي شاشه عندك تقسم الشاشه بتعتك لمجموعه من السكاشن بحيث ان الكود بتاعك يبقي صغير
وبرضو اي مجموعه من الwidget بتكون شكل معين تخليه ف مكان لوحده وتعيد استخدامه
انا دايما بحب احط limit لعدد السطور اللي تبقي موجوده ف file واحد مثلا 100
لو حصل وزاد عن كدا براجع علي الكود عشان لو في حاجه ممكن ابسطها ابتدي وابسطها اكتر عشان احافظ علي الجوده بتاعه الكود
تعليقات
إرسال تعليق