بنسبة كبيرة انت بتخطئ ف النقطة دي 🤦♀️𝗔𝘀𝘆𝗻𝗰/𝗔𝘄𝗮𝗶𝘁 𝗩𝗦 𝗧𝗵𝗲𝗻
اللي لاحظته ان معظم اللي لسه بيبتدي ف ويتعلم Flutter تقريبا فاكر ان الفرق مابينهم هو شكل الكتابه فقط وطبعا بسبب الفهم الغلط دا بتحصل مشاكل وبيدوخ بسببها 🤷♀️
عشان كدا تعالي اقولك الفرق بالتفصيل بحيث تبقي فاهم مش حافظ 👀💪
⏭ Async / Await
من اسمها دي بنستخدمها عشان نقول للبرنامج اقف استني شويه لحد ما العمليه اللي انا بعملها تخلص وبستخدم Aysnc عشان افهمه ان دي Asyncrounous Task
وبستخدم Await عشان اقوله استني مش اكتر
دلوقتي انت ف الصوره الاولي وانت مستخدم Await فانت مستني نتيجه معينه وبتتخزن ف متغير
وبعدين عملنا print للمتغير دا لحد هنا كله تمام
نركز هنا بقي ف نقطه ان احنا مش هنفذ ال print بتاعتنا غير لما ال await تخلص
يعني هنفضل واقفين عند ال line بتاع ال await ولما يخلص هنبتدي ندخل ف ال line اللي وراه
عشان كدا ال print اكيد هتطبع النتيجه بشكل سليم
⏭ Then
دي بقي مختلفه شويه بمعني انا لو عندي عمليه هتاخد وقت معين وهتخلص ف المستقبل مش دلوقتي فبستخدمها
وهيا بتوفرلي Call back يعني Method بيتم تنفيذها بعد
العمليه ما تخلص زي مامتوضح ف الصوره وركز انا مقولتش بتقول استني انفذ ال task
لا هيا بعد ما ال task بتنتهي بتنفذ ال call back بتاعتها
يعني لو ركزنا شويه وبصينا علي الكود هتلاقي ان ال print بتاعتنا ف الحاله دي هتتنفذ عادي قبل ما ال task تخلص
ودا لان then مش بتقولنا استني لا هيا بتسيبك تكمل عادي ولما التاسك تخلص بتنفذ ال call back بتاعتها
ونتيجه لدا طبعا لما تيجي تعمل print الموضوع هيتم بشكل خاطيء لان لسه مفيش حاجه اتخزنت عندك ف المتغير
--------------------------------------------
عشان كدا هنا لازم نجاوب علي سؤال مهم امتي استخدم then ⏱
انت تقدر تستخدم then لو انت مش مستني نتيجه بمعني في task هتخلص ف المستقبل وبعد ماتخلص انت عايز تنفذ حاجه معينه بس مش مستني نتيجه عشان تستخدمها
فبالتالي فعلا ممكن تستخدم then وتسيب البرنامج يشتغل ووقت ما التاسك تخلص هو هينفذ ال call back بتاعته عادي
تعليقات
إرسال تعليق